Túrkistan oblysynda muǵalim 14 jastaǵy qyzdy zorlamaq bolǵan
TÚRKІSTAN. KAZINFORM- Oqıǵa Qazyǵurt aýdanynda bolǵan. Kúdikti qamaýǵa alyndy.
Áleýmettik jelidegi aqparatqa súıensek, 38 jastaǵy mektep muǵalimi 8-synyp oqýshysyn Shymkentke alyp baryp, qydyrtpaq bolǵan. Sodan jolda aram oıyn júzege asyrmaq bolyp, zorlyq áreketterin jasaǵan.
Atalǵan fakt boıynsha Túrkistan oblysy polıtsııa departamenti sotqa deıingi tergep-tekserý bastalǵanyn málimdedi.
— Kúdikti qamaýǵa alynǵan. Barlyq mán-jaı anyqtalyp jatyr. Sonymen qatar tergeý múddesindegi ózge de aqparattar Qylmystyq-protsestik kodekstiń 201-babyna sáıkes jarııa etilmeıdi, — delingen Túrkistan oblysy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn Shymkentte stadıon mańynan ótip bara jatqan jasóspirimge sadaq jebesi tıgenin jazǵan bolatynbyz.