Túrkistan oblysynda dárilik shóp jınaýmen aınalysqan 100-den astam sheteldik anyqtaldy

TÚRKІSTAN. KAZINFORM – Sheteldikterdiń basym bóligi elden shyǵarylsa, bes qazaqstandyq azamat sheteldik jumys kúshin zańsyz paıdalaný faktisi boıynsha jaýapkershilikke tartyldy.

Túrkistan oblysy polıtsııa departamentiniń qyzmetkerleri bıylǵy jyldyń alǵashqy aılarynda Arys, Otyrar jáne Saryaǵash aýdandarynda dárilik qasıeti bar «keýrek» shópterin zańsyz jınaǵan 116 sheteldik azamatty anyqtap, tıisti sharalar qabyldady.

Máselen, Arys aýdanyndaǵy Qojatoǵaı jáne Montaıtas aýyldyq okrýgterinde «keýrek» jınaýmen aınalysqan 68 sheteldik azamat ustalsa, sot sheshimimen olardyń 54-i elden shyǵarylyp, 14-ine aıyppul salyndy. Tamyz aıynda ótkizilgen reıd barysynda taǵy 14 sheteldik zańsyz áreketpen ustalyp, olardyń isi aýdandyq sotqa joldandy.

– Polıtsııa qyzmetkerleri quqyq buzýshylyqtardy anyqtaýmen birge, jergilikti turǵyndarǵa Qazaqstan Respýblıkasynyń zańnamasyn saqtaý qajettigi týraly túsindirý jumystaryn júıeli túrde júrgizip keledi. Sonymen qatar qorshaǵan ortany qorǵaý jáne zańsyz áreketterdiń aldyn alý baǵytyndaǵy is-sharalar aldaǵy ýaqytta da jalǵasyn tabady, - delingen Túrkistan oblysy polıtsıa departamenti taratqan aqparatta.

Aıta keteıik, budan buryn Shymkenttegi «polkovnık saraıy» týraly feık qylmystyq iske ulasqanyn jazǵan bolatynbyz.