Túrkistan oblysynda brakonerlerden 580 kelige jýyq balyq tárkilendi
TÚRKІSTAN. KAZINFORM-«Ýyldyryq» jedel-profılaktıkalyq is-sharasy barysynda óńirde 156 quqyq buzýshylyq anyqtaldy. Brakonerlerden 580 keli balyq, uzyndyǵy 1500 metr bolatyn balyq aýlaý torlary, qaıyqtar jáne basqa da zattaı dáleldemeler tárkilendi
Túrkistandyq tártip saqshylary men balyq ınspektorlary birlesip júrgizgen reıd barysynda Arys qalasynyń eki turǵyny ustaldy. Kúdiktilerden qaıyq pen 60 kelige jýyq balyq tárkilendi. Qazirgi tańda olarǵa qatysty balyq resýrstaryn zańsyz óndirý faktisi boıynsha tergeý júrgizilip jatyr.
Sondaı-aq, polıtsııa qyzmetkerleri Bógen, Kóksaraı jáne Shardara sý qoımalary men ózge de ózenderdi qaraýsyz qaldyrylǵan qaıyqtar men balyq aýlaý torlarynan tazartý jumystaryn júrgizdi.
«Túrkistan oblysynyń turǵyndaryn tabıǵatty qorǵaý zańnamasyn saqtaýǵa jáne tabıǵatty qorǵaýǵa shaqyramyz», - delingen Túrkistan oblysy polıtsııa departamentiniń baspasóz qyzmeti usynǵan aqparatta.
