Túrkistan oblysynda bir jylda polıtseılerge 9 márte para usynǵan

Túrkistan oblysynda polıtseıge para berýdiń 9 deregi anyqtalyp, sotqa joldandy, dep habarlaıdy QazAqparat. 

Túrkistan oblysy polıtsııa departamentiniń ózindik qaýipsizdik basqarmasy 2022-2023 jyldar aralyǵynda polıtsııa qyzmetkerlerine para berýdiń 9 deregin áshkereledi.

Atalǵan qylmystyq ister boıynsha kináli azamattar QR QK 367-baby «para berý» boıynsha jaýapkershilikke tartyldy.

Máselen Túrkistan qalalyq polıtsııa basqarmasynda QR QK 190-baby boıynsha kúdikti laýazymdy tulǵalarǵa para berýge oqtalǵan.

Bul boıynsha polıtsııa qyzmetkeri ózindik qaýipsizdik basqarmasyna habarlap, zańǵa sáıkes sharalar atqarylǵan.

Taǵy osyndaı jaıttyń biri trassada bolǵan. «Shymkent-Samara» tasjoly boıynda patrýl polıtseıi jol erejesin buzǵan júrgizýshini toqtatady.

Onyń qujattaryn tekserip, ákimshilik shara qoldaný kezinde júrgizýshi hattama toltyrmas úshin polıtseıge para usynǵan.

Bul boıynsha da tıisti sharalar atqarylyp, jınaqtalǵan qujattar sotqa joldanǵan.

Túrkistan oblysy polıtsııa departamenti qyzmetkerleriniń arasynda «teris pıǵylymen», turǵyndardyń para berý qylmysymen kúresti kúsheıtip jatyr.

Zań boıynsha para alýshy da, berýshi de qatań qylmystyq jaýapkershilikke tartylady.

Para berý qylmysy úshin eń aýyr jaza - 15 jylǵa deıin bas bostandyǵynan aıyrý jáne dúnıe-múlkin tárkileý.