Túrkistan oblysynda bir otbasynyń úsh adamy ıis tıip qaıtys boldy

TÚRKІSTAN. KAZINFORM – Túrkistan oblysy Ordabasy aýdany Shubarsý aýylyndaǵy jeke turǵyn úıde bir otbasynyń úsh múshesi ýly gazdan qaza tapty. Olardyń biri - anasy, ekeýi - bala. Zardap shekken taǵy bir bala búgin aýrýhanadan shyǵaryldy.

Túrkistan oblysy Tótenshe jaǵdaılar departamentiniń málimetinshe, tórt adam ýlanǵan. Olardyń úsheýi oqıǵa ornynda kóz jumdy. Aman qalǵan bir bala birden jan saqtaý bólimine jetkizilgen.

– Aldyn ala málimetterge qaraǵanda, oqıǵa qatty otynmen jumys isteıtin jylytý peshin paıdalaný erejeleriniń buzylýynan bolǵan. Naqtyraq aıtqanda, tútin shyǵarý arnasy tazalanbaǵan. Atalǵan fakti boıynsha tekserý júrgizilip, bolǵan jaǵdaıdyń barlyq mán-jaıy anyqtalyp jatyr, – dep habarlady oblystyq Tótenshe jaǵdaılar departamenti.

Budan buryn Kentaýda gaz jarylysynan 1 adam qaza taýyp, 4 adam aýrýhanaǵa jetkizilgenin jazǵan edik. 

Atalǵan gaz jarylysynan zardap shekken ekinshi adamnyń kóz jumǵany habarlanǵan bolatyn.