Túrkistan oblysynda báısheshek gúldedi
TÚRKІSTAN. KAZINFORM- Ońtústik óńirlerde kóktemniń nyshany biline bastady.
Kúnniń jylynýynan Túrkistan oblysynda báısheshek gúldep jatyr. Alǵashqy gúlder tabıǵaty erekshe qorǵaýǵa alynǵan ulttyq parkterdiń aýmaǵynda baıqalǵan. Sondaı-aq, qala men aýyl aımaqtardaǵy alleıalarda ósip shyqqan. Tabıǵat qorǵaýshylar bul qubylysty kún raıynyń jylynýynan bolǵan qalypty jaǵdaıǵa balap otyr.
«Qazir Ońtústik óńirlerdiń barlyq aýmaǵynda báıgeshek gúldep jatyr. Bul kóktemniń alǵashqy belgisi dep bilemiz. Bıyl kún raıy jyly bolǵandyqtan qańtar aıynda báısheshek búr jarǵan bolatyn. Endi jaqyn arada qyzǵaldaqtar ashyla bastaıdy. Báısheshek sýyqqa beıimdelgen gúl. Qar jaýyp, kún sýytyp jatsa, úsip qalmaıdy. Tirshiligin jalǵastyra beredi», - dedi «Syrdarııa-Túrkistan» MÓTP-niń ǵylymı qyzmetkeri Ǵanı Nazarbek.
