Túrkistan oblysynda basqarma basshysy jalaqyǵa bólingen 181 mln teńgeni jymqyrǵan

ASTANA. KAZINFORM – Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti Túrkistan oblysynyń birneshe jergilikti atqarýshy organynyń basshylaryna qatysty sotqa deıingi tergeý amaldaryn júrgizip jatyr.

Tergeý derekterine sáıkes, Qoǵamdyq damý basqarmasynyń basshysy baǵynyshty qyzmetkerimen sóz baılasyp, qyzmetkerlerdiń eńbekaqysyn tóleýge bólingen 181 mıllıon teńge kólemindegi bıýdjet qarajatyn jymqyrǵan degen kúdikke ilindi.

Sonymen qatar Veterınarııalyq qyzmet basqarmasynyń basshysy qarjy-sharýashylyq qyzmetin tekserý nátıjeleri boıynsha oń qorytyndy alý maqsatynda komıssııa múshelerine 16 mıllıon teńge kóleminde para bergen degen kúdikpen tergelýde.

Sottyń sanktsııasymen atalǵan tulǵalar qamaýǵa alyndy.

Qylmystyq-protsestik kodekstiń 201-babyna sáıkes ózge aqparat tergeý múddesine oraı jarııalaýǵa jatpaıdy.

Aıta keteıik, Túrkistanda jol sapasyna salǵyrt qaraǵan merdigerler mekemelerge aıyppul salyndy.