Túrkistan oblysynda balabaqshaǵa tıesili kólik qaǵyp ketken búldirshin mert boldy

Túrkistan oblysynda balabaqshaǵa tıesili kólik qaǵyp ketken búldirshin qaıtys boldy, dep habarlaıdy Kazinform.

Oqıǵa Túrkistan qalasynda boldy. Jekemenshik balabaqsha tárbıelenýshilerin tasymaldaıtyn «Hyundai Starex» kóligi búldirshindi úıiniń aldynda qaǵyp ketken. Búldirshin aýrýhanaǵa jetkizilgenimen, jansaqtaý bóliminde kóz jumdy.

«Qazirgi tańda polıtsııa QR QK-niń 345-baby 3-bóligimen qylmystyq is qozǵady. Júrgizýshi qamaýǵa alyndy. Al avtokólik aıyp turaǵyna qoıyldy. Oqıǵanyń tolyq mánjaıy anyqtalýda»-delingen Túrkistan oblysy polıtsııa departamentiniń baspasóz qyzmeti taratqan aqparatta.