Túrkistan oblysynda balabaqshadaǵy búldirshindi urǵan tárbıeshi jumystan bosatyldy
TÚRKІSTAN. KAZINFORM- Sábıdiń ata-anasy jazǵan aryz negizinde polıtseıler qylmystyq is qozǵady.
Oqıǵa Túrkistan qalasynda boldy. Áleýmettik jelide taraǵan aqparatta búldirshindi aspazdyń julqa tartyp, urǵany aıtylady.
Al, atalǵan másele boıynsha resmı pikir bildirgen Túrkistan oblysy bilim basqarmasynyń baspasóz qyzmeti sábıge qol kótergen aspaz emes, tárbıeshi ekendigin málimdedi.
«Oqıǵa Túrkistan qalasyndaǵy jekemenshik balabaqshanyń birinde bolǵan. Atalǵan jaǵdaı boıynsha quzyrly organdar aınalysýda. Qazirgi tańda tárbıeshiniń kómekshisi óz ótinishi negizinde jumystan bosatyldy», - delingen vedomstvo aqparatynda.
Tártip saqshylary sábıdiń ata-anasy jazǵan aryz negizinde qylmystyq is qozǵalǵanyn málimdedi. ıAǵnı, «balany urý» deregi boıynsha tergeý júrip jatyr.
«Anasynyń aryzy boıynsha qylmystyq is qozǵaldy. Tıisti saraptamalar taǵaıyndaldy. Qazirgi ýaqytta barlyq mánjaı anyqtalýda», - delingen Túrkistan oblysy polıtsııa departamentiniń baspasóz qyzmeti taratqan aqparatta.
