Túrkistan oblysynda balabaqshadaǵy 24 bala taǵamnan ýlandy
TÚRKІSTAN. KAZINFORM — Atalǵan jaǵdaı boıynsha quqyq qorǵaý organdary qylmystyq is qozǵap, tergeý amaldaryn júrgizip jatyr.
Oqıǵa Saıram aýdanynda boldy. Tespe aýylyndaǵy «Narymbet ata» JShS-ne qarasty bóbekjaı-balabaqshada 26 adam taǵamnan ýlandy. Ýlanǵandardyń ishinde 24 bala men 2 qyzmetker bar.
Oblystyq sanıtarııalyq-epıdemıologııalyq baqylaý departamentiniń málimetinshe, balabaqshada júrgizilgen jospardan tys tekserý barysynda sanıtarııalyq talaptardyń óreskel buzylǵany anyqtalǵan. Azyq-túlik ónimderi men qyzmetkerlerden alynǵan synamalardan oń nátıjeler shyqqan.
— Barlyq naýqastarǵa alǵashqy medıtsınalyq kómek kórsetilip, úılerine qaıtaryldy.Taǵamnan ýlanýǵa ashanada tehnologııalyq protsesterdiń buzylýy, ónimderdiń durys saqtalmaýy jáne qyzmetkerler tarapynan jeke bas gıgıenasynyń saqtalmaýy sebep bolǵan. Atalǵan jaǵdaı boıynsha quqyq qorǵaý organdary qylmystyq is qozǵap, tergeý amaldaryn júrgizip jatyr, — delingen oblystyq sanıtarııalyq-epıdemıologııalyq baqylaý departamenti tarapynan usynylǵan aqparatta.
Aıta keteıik, budan buryn týrızmdi damytý maqsatynda iske qosylǵan «Túrkistan» týrıstik-rekreatsııalyq ortalyǵy búginde qaraýsyz qalyp, jaramsyz kúıge túskenin jazǵan bolatynbyz.