Túrkistan oblysynda áıgili brendterge uqsas ónim shyǵarǵan iri tátti qoımasy tabyldy
TÚRKІSTAN. KAZINFORM - Saıram aýdanynda qoldan jasalǵan táttilerdiń iri qoımasy anyqtaldy.
Túrkistan oblysy Saıram aýdanynda 37 myńnan astam qoldan jasalǵan shokolad batonchıgi anyqtalyp, zańsyz aınalymnan tárkilendi.
Tanymal shokolad batonchıkteri men kondıterlik ónimder shyǵaratyn halyqaralyq kompanııanyń ótinishi negizinde Túrkistan oblysy, Almaty jáne Shymkent qalalarynyń Ádilet departamentteri birlesken jospardan tys tekserý júrgizgen.
Vedomstvonyń málimetinshe, jalǵan ónimder áıgili brendterdiń ataýlary ózgertilip taratylǵan.
- Atalǵan jaǵdaı zııatkerlik menshik nysandaryn zańsyz paıdalanýdyń jol berilmeıtinin kórsetedi jáne bul saladaǵy quqyqbuzýshylyqtardyń aldyn alýda keshendi sharalardyń mańyzyn aıqyndaıdy, - dedi Shymkent qalasy Ádilet departamenti bóliminiń basshysy Muhtar Abdezov.
Jınalǵan materıaldar kináli adamdardy jaýapkershilikke tartý úshin sotqa joldandy.
Aıta keteıik, budan buryn Shymkentte 7 myńnan astam abonent gazsyz qalǵanyn jazǵan bolatynbyz.