Túrkistan oblysynda áıelin únemi uryp-soǵatyn azamattyń isi sotqa joldandy

ASTANA. KAZINFORM - Túrkistan oblysynyń turǵyny Adam quqyqtary jónindegi ýákildiń aımaqtaǵy ókiline habarlasyp, qyzyn kúıeýi únemi uryp-soǵatynyn málimdegen.

Ýákildiń ókili Shardara aýdanynyń prokýratýrasyna mán-jaılardy tekserý jáne zańda kózdelgen sharalardy qoldaný úshin usynym joldady.

«Nátıjesinde Shardara aýdandyq polıtsııa bólimi ákimshilik quqyq buzýshylyq týraly hattama toltyryp, sot-medıtsınalyq saraptama taǵaıyndady. Sonymen qatar, jábirlenýshi 30 kún merzimge profılaktıkalyq esepke alynyp, oǵan qorǵaý týraly uıǵarym shyǵaryldy», — delingen Ýákil keńsesiniń jazbasynda.

Jınalǵan ákimshilik quqyq buzýshylyq materıaldary sheshim qabyldaý úshin Shardara aýdandyq sotyna joldandy.