Túrkistan oblysynda avtogaz stansasyndaǵy jarylysqa qatysty qylmystyq is qozǵaldy

TÚRKІSTAN. KAZINFORM – Aýrýhanada taǵy bir zardap shegýshi kóz jumdy. 

Túrkistan oblysy polıtsııa departamentiniń baspasóz qyzmetiniń málimdeýinshe, polıtsııa tarapynan QR QK-niń 306-baby 3-bóligimen is qozǵaǵan. Qazir tergeý amaldary júrip jatyr.

Aıta keteıik, Shardara aýdany Jaýshyqum aýylynda ornalasqan avtogaz quıý stansasynda jarylys boldy. Jeńil avtokólik avtogaz quıý stantsııasyna soqtyǵysqan. Saldarynan rezervýardan gaz aǵyp, keıin gaz-aýa qospasy tutandy. Sondaı-aq jarylys boldy. Artynsha jaqyn mańda turǵan kólik órtendi.

Apat saldarynan eki adam oqıǵa ornynda kóz jumdy. Al, denesin kúıik sharpyǵan úsh adam aýrýhanaǵa jetkizilgen. Degenmen kóp ótpeı jansaqtaý bóliminde taǵy bir zardap shegýshi kóz jumdy.