Túrkistan oblysynda aýyldardy sýmen qamtýǵa 20 mlrd teńge bólindi
ASTANA. KAZINFORM — Túrkistan oblysynda qaıtarylǵan aktıvter esebinen aýyldardy sapaly aýyz sýmen qamtý jumystary júrgizilip jatyr. Bul týraly Úkimettiń baspasóz qyzmeti habarlady.

Elimizde Memleket basshysynyń tapsyrmalaryn iske asyrý aıasynda qaıtarylǵan aktıvter esebinen áleýmettik ınfraqurylymdy damytý jumystary jalǵasyp jatyr.
Úkimet Túrkistan oblysynda sýmen jabdyqtaý jelilerin salýǵa jáne jańǵyrtýǵa Arnaýly memlekettik qordan 20 mlrd-tan astam teńge bóldi.
Qazir óńirde quny 5 mlrd teńge bolatyn Shardara toptyq sý qubyryn salý jumystary júrip jatyr. Qor qarajatynan Jibek joly, Sheńgeldi, Aq úı, Qaratóbe, Jýantóbe, Jańadáýir, Esikqorǵan, Quıǵan, Aqsý aýyldaryndaǵy sýmen jabdyqtaý jobalaryna 4,2 mlrd teńge bólindi.
Aýyldyq eldi mekenderdi aýyz sýmen qamtamasyz etý jumystary Saryaǵash, Qazyǵurt, Keles, Ordabasy jáne Otyrar aýdandarynda da júrgizilip jatyr.
Aıta keteıik, buǵan deıin Saryaǵash aýdanyndaǵy magıstraldi sý qubyryn jańartý jumystaryn aıaqtaý úshin Arnaýly memlekettik qordan 2,5 mlrd teńgeden astam qarajat bólingeni habarlanǵan edi. Bul joba 260 myńnan astam halqy bar 66 aýyldy ortalyqtandyrylǵan sýmen jabdyqtaý júıesine qosýǵa múmkindik beredi.
Aıta ketelik Úkimet Qyzylorda oblysyndaǵy egin alqaptaryn sýmen qamtýǵa 1 mlrd teńge bólgen edi.