Túrkistan oblysynda aýyl turǵyny áleýmettik jelide ekstremıstik materıaldar taratqan
TÚRKІSTAN. KAZINFORM — Jedel-izdestirý is-sharalaryn júrgizý barysynda Túrkistan oblysy polıtsııa departamentiniń ekstremızmge qarsy is-qımyl basqarmasy men UQKD qyzmetkerleri ekstremıstik sıpattaǵy materıaldardy taratqan kúdiktini ustady.
Saıram aýdanynyń turǵyny dinı ekstremızmniń jaqtaýshysy retinde áleýmettik jeli arqyly radıkaldy ýaǵyzshylardyń beınerolıkteri men terrorızm ıdeologııasyn nasıhattaıtyn materıaldardy taratqan.
Kúdiktiniń úıin tintý kezinde jedel ýákilder dinı baǵyttaǵy 300-ge jýyq kitapty, noýtbýk jáne ózge de zattaı dáleldemelerdi taýyp, tárkiledi.
«Qylmystyq is qozǵaldy. Kúdikti tergeý ızolıatoryna qamaldy. Qazirgi tańda atalǵan fakt boıynsha jedel-tergeý is-sharalary júrip jatyr. Tıisti saraptamalar taǵaıyndaldy» delingen Túrkistan oblysy polıtsııa departamentiniń baspasóz qyzmeti usynǵan aqparatta.
