Túrkistan oblysynda aýyl mektebiniń ustazdary men oqýshylary ár juma saıyn ulttyq kıim kıedi
TÚRKІSTAN. KAZINFORM – Aldaǵy ýaqytta bilim ordasynyń basshylyǵy ulttyq qundylyqtarǵa negizdelgen bul úrdisti kúndelikti sabaqqa engizbek.
Ordabasy aýdanyna qarasty Shubarsý aýylynda ornalasqan «Zeıin ashý» bastaýysh mektebiniń ujymy tyń jobany qolǵa aldy. ıAǵnı, mundaǵy ustazdar men oqýshylar ár juma saıyn mektepke ulttyq kıimmen barady. Balalar bastaryna oıýly taqııa men ústerine kók tústi jaket, al qyzdar úkisi bar sáýkele men kamzol kıedi. Muǵalimder de zamanaýı stılde tigilgen oıýly kıimdermen sabaq ótedi.
Mektep basshylyǵy qolǵa alǵan jobanyń aıasynda 200 balaǵa birdeı etip arnaıy kıim tiktirilgen. Aldaǵy ýaqytta bilim ordasy ulttyq qundylyqtarǵa negizdelgen bul úrdisti kúndelikti sabaqqa engizbek.
«Kelesi jyly jańa ǵımaratqa kóshemiz dep josparlap otyrmyz. Sol kezde oqýshylarymyz kúndelikti sabaqqa ulttyq kıimmen keletin bolady. Sabaq arasyndaǵy qońyraýlarǵa da qazaqsha kúı qoıýdy josparlap otyrmyz. Bul jobany ata-analarda qoldaýda» - dedi mektep dırektory Gúljazıra Qarabekova.
Ótken jyly ashylǵan mektep 150 oqýshyǵa laıyqtap salynǵan. Bıyl munda eki aýysymda 220 bala bilim alyp jatyr. Oqý ordasy bastaýysh mektep bolsa da oqýshylardy ǵylymı jobaǵa daıyndaıdy. Balalardyń jan-jaqty damýy úshin aqysyz túrde qosymsha sabaqtar ótedi. Odan bólek, oqýshylar bos ýaqytynda, horeografııa, taekvando, shahmat, kórkem sóz oqý sekildi qosymsha úıirmelerge tegin qatysady.
«Bul jeke menshik mektep bolǵanymen, oqýshylar tegin oqıdy. Tegin úıirmelerge qatysady. Úılerinen mektepke alyp kelý, qaıta alyp baryp tastaý tasymaly da tegin. Quryltaıshymyzdyń demeýshiligi esebinen bir mezgil ystyq tamaq berip jatyrmyz» - dedi Gúljazıra Qarabekova.
