Túrkistan oblysynda aýyl ákimderiniń jer boıynsha sheshimderinen zań buzý anyqtaldy
TÚRKІSTAN. KAZINFORM — Túrkistan oblysy Saryaǵash aýdanynda 7 aýyldyq okrýg ákiminiń 2023-2025 jyldar aralyǵynda jer boıynsha qabyldaǵan keıbir sheshimderi zańsyz ekeni anyqtalǵan.
Saryaǵash aýdanynyń ákimi Arman Abdýllaevtyń málimdeýinshe, qazirgi tańda aýdandaǵy 492 499 maldy qamtamasyz etý úshin 285 941 gektar jaıylym jer qarastyrylǵan.
— Júrgizilgen taldaýlarǵa sáıkes, mal basyna shaqqanda jaıylym jerlerdiń jalpy kólemi 957 361 gektarǵa jetispeıtini anyqtaldy. Osyǵan baılanysty bıyl aýdan aýmaǵyndaǵy jaıylym jerlerge túgendeý júrgizildi. Nátıjesinde mal basy tirkelmegen jaıylym jerleri bar 126 jer paıdalanýshy anyqtaldy. Olardyń ıeligindegi 19 738 gektar jerdiń 12 210 gektary aýdannyń arnaıy jer qoryna qaıtaryldy, — dedi ol.
Budan buryn Túrkistan oblysynda 465 myń gektardan asa jer maqsatyna saı paıdalanylmaǵanyn jazǵan edik.
