Túrkistan oblysynda aýdandyq bilim bóliminiń býhgalteri 2,8 mlrd teńge bıýdjet qarajatyn jymqyrǵan

TÚRKІSTAN. KAZINFORM – Túrkistan oblysynyń prokýratýrasy 2,8 mlrd teńge bıýdjet qarajatynyń jymqyrylǵanyn anyqtady. Bul týraly oblystyq prokýratýra málimdedi. 

Túrkistan oblysynyń prokýratýrasy bilim berý mekemelerin tekserý barysynda kóptegen zań talaptaryn buzý jáne bıýdjet qarajatyn jymqyrýdy anyqtady.

«Jetisaı aýdanynyń prokýrorlary aýdandyq bilim bóliminiń býhgalterlerimen 2,8 mlrd teńge bıýdjet qarajatyn jymqyrý faktisin anyqtady. Osy fakti boıynsha qujattar SDTBT-ǵa QR Qylmystyq kodekstiń 189-babymen tirkelip, (senip tapsyrylǵan bóten múlikti ıemdený nemese ysyrap etý) tergeý Túrkistan oblysy prokýratýrasynyń arnaıy prokýrorlarymen júrgizilip jatyr», — delingen habarlamada.

Búgingi kúnge prokýratýranyń qabyldaǵan sharalary nátıjesinde memleket bıýdjetine 309 mln teńge qaıtaryldy.

Tekserýler jalǵasyp jatyr ári jiti baqylaýda.