Túrkistan oblysynda ataýly áleýmettik kómek alýshylar azaıdy
TÚRKІSTAN. KAZINFORM - Túrkistan oblysynda kedeıshilik deńgeıin tómendetý, turǵyndardy jumyspen qamtý baǵytynda júıeli jumystar atqarylýda. Bul másele Túrkistan oblysynyń ákimi Darhan Satybaldynyń tikeleı baqylaýyna alynǵan. Óńirde ınvestıtsııalar tartý, jumyssyzdardy nátıjeli jumyspen qamtý, kásipkerlik qyzmetti damytý, «Aýyl amanaty» jobasyn júzege asyrý, az qamtylǵan otbasylardyń tabysyn arttyrý arqyly az qamtylǵan azamattar sanyn keminde 15%-ǵa azaıtýdy qamtamasyz etý boıynsha tıisti jumystar júrgizilip jatyr.
Shartty aqshalaı kómek alýshylardyń jumysqa qabiletti 34 525 azamaty jumyspen qamtýdyń belsendi sharalaryna tartyldy. Onyń ishinde: turaqty jumys oryndarymen – 9562 adam, áleýmettik jumys oryndarymen – 611 adam, «Jastar praktıkasymen» – 106 adam, aqyly-qoǵamdyq jumys oryndarymen – 1322 adam, qysqa merzimdi kásiptik oqýmen 34 adam qamtylǵan. 106 adam kásipker retinde salyq organdarynda tirkelip, óz isin ashty.
Memleketten bólingen qarjydan bólek, oblysta «Qamqorlyq» baǵdarlamasy ázirlenip, iske asyrylyp otyr. Onyń maqsaty – qaıyrymdylyq qyzmetke demeýshilerdi tartý jáne ómirlik qıyn jaǵdaıǵa tap bolǵan otbasylarǵa áleýmettik qoldaý kórsetý. Tabystaryn arttyrý úshin 2023 jyly «Qamqorlyq» baǵdarlamasy arqyly 993 otbasyǵa 292,7 mln. teńgege demeýshilik kómek kórsetildi. Bıyl 635 otbasyǵa 94,8 mln. teńgege kómek berildi. Sondaı-aq oblysta áleýmettik kómek kórsetýdiń naqtylyǵyna jáne bıýdjet qarajatynyń maqsatty paıdalanylýyn qamtamasyz etýge erekshe qóńil bólinedi.
Ataýly áleýmettik kómek taǵaıyndaýdyń durystyǵyna monıtorıng jumystary júrgizilip keledi. Nátıjesinde, jol berilgen buzýshylyqtardy joıý jáne zańsyz tólengen qarajatty bıýdjetke qaıtarý boıynsha sharalar qabyldanýda. Sondaı-aq aqparattyq júıe únemi jetildirilip otyrady. Búgingi tańda ataýly áleýmettik kómekke úmitkerlerdiń barlyq derlik tabystary aqparattyq júıede kórinedi. Ataýly áleýmettik kómek taǵaıyndaý protsesin jáne taǵaıyndaý úshin qajetti qujattar toptamasyn ońtaılandyrý júzege asyryldy.
2025 jyldan bastap ataýly áleýmettik kómek taǵaıyndaýdyń jańa metodıkasyn engizý kózdelgen. Bul jerde otbasylardyń tabystarymen qatar shyǵystary da esepke alynady. Eńbekke jaramsyz, muqtaj azamattarǵa ǵana áleýmettik kómek kórsetiledi.
«Túrkistan oblysynda 2023 jyldyń qorytyndysymen ataýly áleýmettik kómek alýshylar sany 157,7 myń adamdy (27 039 otbasy) nemese oblys halqynan úlesi 7,4%-yn qurady. Bul 2022 jylmen salystyrǵanda 20,5 paıyzǵa tómendedi (2022 j. – 198,4 myń adam). Kedeılik deńgeıiniń tómendeýi ataýly áleýmettik kómek alýshylardy jumyspen qamtý sharalaryna tartý jónindegi belsendi jumystyń arqasynda qamtamasyz etildi. 2024 jyldyń 1 qyrkúıegine ataýly áleýmettik kómek alýshylar sany 89,2 myń adamdy nemese oblys halqynyń 4,1%-yn qurady. 2023 jyldyń tıisti kezeńimen salystyrǵanda az qamtylǵan azamattardyń sany 62,4 myń adamǵa nemese 41,2%-ǵa azaıdy. Ataýly áleýmettik kómekti alýshylardy jumyspen qamtý úlesi jyl saıyn ulǵaıyp, 2024 jyldyń 8 aıynda eńbekke jaramdy 22,4 myń ataýly áleýmettik kómek alýshynyń 15,7 myńy nemese 70,4% jumyspen qamtý sharalaryna tartyldy. Qabyldanǵan sharalardyń nátıjesinde kúnkóris deńgeıinen tómen turatyn halyqtyn úlesi 2020 jyldan bastap 4,3% tómendep, 7,9%-dy qurady. 2024 jydyń sońyna deıin kedeılik deńgeıin 5,5% -ǵa deıin, al AÁK alýshylardyń sanyn 26%-ǵa tómendetý josparlanyp otyr» - delingen Túrkistan oblysy ákimdigi taratqan aqparatta.
