Túrkistan oblysynda aptap ystyqtan jol jabyny kóterilip ketti

23 maýsymda Túrkistan oblysynda «Qazgıdromet» derekterine sáıkes aýa temperatýrasynyń +40 S-qa deıin kóterilýi boljandy. Osyǵan baılanysty ystyq aýa raıy jaǵdaıynda jol qyzmetteri respýblıkalyq mańyzy bar tsementbeton jabyndysy bar avtojol ýchaskelerine monıtorıng júrgizýdi kúsheıtti.

— Sol kúni shamamen saǵat 15:15–te «QAJservıs» JShS Túrkistan oblystyq fılıalynyń JPB-69 jáne JPB-4 qyzmetkerleri respýblıkalyq mańyzy bar KZ13-03 «Shymkent — Ózbekstan Respýblıkasynyń shekarasy („Jibek joly“ ótkizý pýnkti)» avtomobıl jolyn patrýldeý barysynda 712+600 shq ýchaskesinde tsementbeton jabynynyń aqaýyn anyqtady.

Aldyn ala málimet boıynsha, aqaý aýa temperatýrasynyń kúrt kóterilýi saldarynan paıda bolǵan. Ekstremaldy ystyq jaǵdaıynda tsementbeton jabynyna túsetin temperatýralyq júkteme artady: beton plıtalary keńeıip, jekelegen ýchaskelerde jergilikti deformatsııaǵa ákelýi múmkin, — delingen habarlamada.

Aqaý anyqtalǵannan keıin jol qozǵalysy qaýipsizdigin qamtamasyz etý maqsatynda ýchaskede ýaqytsha jol belgileri ornatyldy. Sonymen qatar tsementbeton jabynyn qalpyna keltirý jáne atalǵan ýchaskeni normatıvtik jaǵdaıǵa keltirý jumystary uıymdastyryldy.

Jóndeý-qalpyna keltirý jumystaryna 5 jol tehnıkasy jáne 13 jol jumysshysy jumyldyryldy.

Qazirgi ýaqytta ýchaskedegi jumystar jalǵasyp jatyr. Jol qyzmetteri aqaýdy jedel joıý jáne avtokólik qozǵalysynyń qaýipsiz ótýin qamtamasyz etý úshin barlyq qajetti sharalardy qabyldap jatyr.

— «QazAvtoJol» ulttyq kompanııasy júrgizýshilerden ýaqytsha jol belgileriniń talaptaryn saqtaýdy, jumys júrgizilip jatqan aımaqta jyldamdyqty tómendetýdi, qaýipsiz araqashyqtyqty ustanýdy jáne ýaqytsha qolaısyzdyqtarǵa túsinistikpen qaraýdy suraıdy, — delingen habarlamada. 

Aıta ketelik «QazAvtoJol» tsementbeton plıtalaryndaǵy deformatsııa qaýpi bar 31 ýchaskeni anyqtaǵan edi.