Túrkistan oblysynda alıment tóleýge mindetti 19 myń boryshker bar — prokýratýra
ASTANA. KAZINFORM — Túrkistan oblysy prokýratýrasynyń habarlaýynsha, prokýratýranyń bastamasymen 21 azamatqa qatysty balalaryn kútip-baǵý jónindegi mindettemelerin oryndamady degen aıyppen (QK 139-baby) qylmystyq ister tirkeldi.
Máselen, sońǵy 4-jyl boıy boryshker J.Ergashev alıment boıynsha mindetterin oryndamaı, alıment tóleýden qasaqana jaltaryp 5 mln qaryz bereshek somasy qalyptasqan.
Sottyń úkimimen J.Ergashev QK 139-babymen kináli dep tanylyp, oǵan 1jyl merzimge bas bostandyǵyn shekteý jazasy taǵaıyndaldy.
Osy sekildi 65 mln teńge alıment bereshek qaryzy qalyptasqan 20 boryshkerge qatysty sotqa deıingi tergep-tekserý amaldary júrgizilýde.
«Qazirgi ýaqytta Túrkistan oblysynyń aýmaǵynda alıment tóleýge mindetti shamamen 19 myń boryshker bar. Atalǵan baǵyttaǵy jumys oblys prokýratýrasynyń turaqty baqylaýynda», — delingen habarlamada.
Osyǵan deıin Atyraýda alıment tólemeı júrgenderdiń qumar oıynǵa qyrýar qarjy aýdarǵany týraly habarladyq.