Túrkistan oblysynda alaıaqtyqtyń eń kóp taraǵan túri qandaı

TÚRKІSTAN. KAZINFORM - Jyl basynan beri 300-den astam alaıaqtyq qylmysy tirkeldi.

Óńirde qaıtarymsyz qarjy alyp berý deregi kósh bastap tur. ıAǵnı grant alǵysy kelgenderge qatysty 66 derek tirkelgen. Sondaı-aq taýarǵa aldyn ala tólem jasaý, jumysqa ornalastyrý, avtokólikti qujattandyrý, kezeksiz úı alyp berý, nesıe shyǵaryp berý, oqýǵa túsirý, shet elge qujat rásimdeý, múgedektikke shyǵýǵa kómektesý máseleleri boıynsha alaıaqtyq derekteri jıilegen.

Máselen, Kentaý qalasynda «Memlekettik baǵdarlamamen úı alyp beremin» dep 4 birdeı turǵyndy aldaǵan kúdikti ustaldy. 24 jastaǵy er adam jábirlenýshige memlekettik baǵdarlamamen úı̆ alýǵa kómektesetinin aı̆tqan. Qyzmeti úshin aldyn ala 500 myń teńge aqshasyn alyp, keı̆in onymen baı̆lanysyn úzgen.

Tártip saqshylary tekserý barysynda kúdiktiniń dál osylaı alaıaqtyqtyń 3 jaıtyna qatysy bar ekenin anyqtady. Keltirilgen shyǵyn kólemi – 1,5 mıllıon teńge. Qazir kúdiktiniń isi sotqa ótti.

Jalpy oblysta alaıaqtyq qatysty qylmystyq ister boıynsha 35 kúdikti ustalyp, qamaýǵa alyndy. Qazir tergeý júrip jatyr.

- Bul qylmys túriniń aldyn alý boıynsha túrkistandyq polıtseılermen atqarylyp jatqan keshendi is-sharalar qatary aýqymdy. Dese de alaıaqtyń arbaýyna túsip, barynan aıyrylyp qalatyndar áli de kóp. Sondyqtan jaqyn tanys emes adamdarǵa, ıaǵnı jumysqa ornalastyryp beremin, nesıe bolmasa basqa da áleýmettik jáne materıaldyq kómekter alýǵa kómektesemin deýshilerge senbeńizder, - delingen Túrkistan oblysy Polıtsııa departamentiniń baspasóz qyzmeti usynǵan aqparatta.

Aıta keteıik, budan buryn Túrkistan oblysynda zańsyz tasymaldanǵan 11 tonnadan astam munaı ónimi tárkilengenin jazǵan bolatynbyz.