Túrkistan oblysynda Aqmeshit úńgiri mańyndaǵy 2 gektar jer memleket menshigine alyndy
TÚRKІSTAN. KAZINFORM – Aqmeshit úńgiri aýmaǵyn zańdastyrý jáne damytý jumystary aıasynda jer teliminiń bir bóligi memleket muqtajyna qaıtaryldy.
Aqmeshit úńgiri – Báıdibek aýdanyndaǵy týrıster jıi baratyn nysandardyń biri. Atalǵan úńgir «Asqar ata» sharýa qojalyǵyna tıesili jer aýmaǵynda ornalasqan.
Aýdandyq jer qatynastary bóliminiń habarlaýynsha, oblys ákiminiń 2024 jylǵy qaýlysymen úńgirdiń syzbasy bekitilip, 9,95 gektar qorǵaý aımaǵynyń kólemi anyqtalǵan.
QR «Jer qoınaýy jáne jer qoınaýyn paıdalaný týraly» Kodeksine sáıkes, qojalyqqa tıesili aýmaqta ornalasqan jer asty qoınaýyn paıdalaný úshin jergilikti ákimdik pen sharýashylyq arasynda arnaıy kelisimshart jasalýy tıis. https://kaz.inform.kz/news/turkstandagi-kiel-zher-zheke-kaspkerdn-tabis-kozne-aynalgan-dc8a55/?ysclid=mny9j8v7iq708838336
Vedomstvo málimetinshe, aýdan ákimdigi men «Asqar ata» sharýa qojalyǵy arasynda Aqmeshit úńgirin paıdalaný jóninde eshqandaı kelisimshart bolmaǵan. Osy ýaqytqa deıin nysan zańsyz paıdalanylyp kelgen.
Belgili bolǵandaı, jer telimi aýyl sharýashylyǵy maqsatynda jalǵa berilgen. ıAǵnı, ol tek egin egý nemese mal sharýashylyǵy úshin paıdalanylýy qajet edi. Alaıda shart talaptary buzylyp, jer kásipkerlik maqsatta qoldanylǵan. Atap aıtqanda, sharýashylyq jalǵa alynǵan aýmaqty týrıstik jáne ózge de kommertsııalyq qyzmetke paıdalanǵan.
– «Aqmeshit» úńgirine qatysty 2025 jylǵy 24 jeltoqsandaǵy daýdy sot protsesi barysynda medıatsııa tártibimen retteý týraly kelisimge sáıkes, «Asqar ata» sharýa qojalyǵynyń tóraǵasy 2026 jylǵy 28 qańtarda jer telimin memleket muqtajy úshin qaıtarý jóninde ótinish bergen. Sonyń negizinde Báıdibek aýdany ákimdiginiń 2026 jylǵy 13 aqpandaǵy qaýlysyna sáıkes 2 gektar jer telimi memleket menshigine alyndy, – delingen aýdandyq jer qatynastary bólimi usynǵan aqparatta.
Sonymen qatar, atalǵan qaýlyǵa sáıkes jer telimderiniń memlekettik aktilerin ózgertý úshin jerge ornalastyrý jobasyn bekitý maqsatynda 6 sáýirde ótinish berilgen.
Oblystyq týrızm basqarmasynyń málimetinshe, óńirde 2025-2029 jyldarǵa arnalǵan týrızmdi damytý jospary bekitilgen. Oǵan sáıkes, Aqmeshit úńgiri men Báıdibek aýdanyndaǵy týrıstik nysandardy keshendi damytý kózdelip otyr.
Jospar aıasynda modýldik nysandar ornatý, ınjenerlik ınfraqurylymdy damytý, sondaı-aq úńgirdi damytýdyń eskızdik jobasyn ázirleý qarastyrylǵan.
– Sonymen qatar shaǵyn jáne orta bıznesti damytýǵa qolaıly jaǵdaı jasaý, úńgir ishindegi qaýipsiz týrıstik marshrýttardy ázirleý kózdelgen. Bul baǵytta aqparattyq taqtaıshalar ornatý, qozǵalys baǵyttaryn belgileý, fotoaımaqtar men jaıaý júrginshiler joldaryn uıymdastyrý jumystary júrgiziledi, – dedi basqarma ókilderi.
Nysan aýmaǵyn uıaly baılanys jáne mobıldi ınternet jelisimen qamtamasyz etý baǵytynda da tıisti sharalar qabyldanady.
Budan buryn Túrkistan oblysynda Domalaq ana kesenesindegi shyraqshylar sot sheshimimen májbúrlep shyǵarylatynyn jazǵan edik.
