Túrkistan oblysynda ákesin uryp, qorlyq kórsetken turǵyn qamaýǵa alyndy
TÚRKІSTAN. KAZINFORM - Shardara qalasynyń turǵyny týǵan ákesine qatygezdikpen adam tózgisiz qorlyq kórsetken.
Áleýmettik jelide taraǵan vıdeodan ulynyń ákesin balaǵattap, urǵanyn kórýge bolady. Tipti kelini de júıeli túrde uryp-soǵyp, qorlap kelgen.
Jelidegi aqparatqa súıensek, kórshisi bul sumdyqty jasyryn vıdeoǵa túsirgenimen, polıtsııaǵa shaǵymdanbaǵan. Ol túsirgen beınejazbany qart azappen kóz jumǵannan keıin ǵana jarııalaǵan.
Atalǵan jaǵdaıǵa qatysty Túrkistan oblysy Polıtsııa departamenti qylmystyq is qozǵaldy.
- Kúdikti ustalyp, ýaqytsha ustaý ızolıatoryna qamaýǵa alyndy. Bolǵan oqıǵanyń mán-jaıy anyqtalyp jatyr. Qajetti jedel-tergeý sharalary júrgizilip jatyr, onyń nátıjeleri boıynsha tıisti sheshim qabyldanatyn bolady. QR QPK-niń 201-babyna sáıkes tergeý múddesindegi ózge de aqparattar jarııa etilýge jatpaıdy, - delingen aqparatta.
Aıta keteıik, budan buryn Shymkentte 9-synyp oqýshysynyń ólimine baılanysty qylmystyq is qozǵalǵanyn jazǵan bolatynbyz.