Túrkistan oblysynda agrodrondar óndirisi iske qosyldy
TÚRKІSTAN. KAZINFORM – Túrkistan oblysynda aýyl sharýashylyǵy qajettiligine arnalǵan ushqyshsyz ushý apparattaryn qurastyratyn zaýyt óz jumysyn bastady.
«Avatar Agricultural Technology Development» seriktestigi qolǵa alǵan bul joba arqyly jylyna 500 dana tehnıka óndirýge bolady.
Agrodrondar aýyl sharýashylyǵy daqyldaryn búrký jumystaryn júrgizýge arnalǵan. Ushqyshsyz bir apparattyń ózi 70 lıtrge deıin jumys suıyqtyǵyn kóterip, 5 gektarǵa deıingi egis alqabyn qamtamasyz ete alady.
Jańa tehnologııa aýyl sharýashylyǵy taýaryn óndirýshilerge alqaptardy óńdeý tıimdiligin arttyrýǵa, shyǵyndardy azaıtýǵa jáne eńbek ónimdiligin kúsheıtýge múmkindik beredi.
Qazirdiń ózinde kompanııa agrodrondardy jetkizýge 20 tapsyrys qabyldap úlgerdi. Aldaǵy ýaqytta kásiporyn ónim túrlerin keńeıtýdi josparlap otyr. Osy rette kelesi jyldan bastap órt sóndirýge jáne júk tasymaldaýǵa arnalǵan ushqyshsyz ushý apparattaryn óndirýdi ıgerýdi josparlap otyr.
ІІM krımınalısteri drondardy paıdalanýdy meńgerip jatqanyn jazǵan edik.
