Túrkistan oblysynda 90 jyldyq tarıhy bar aýyl klýby órtke orandy

TÚRKІSTAN. KAZINFORM – Oqıǵa Kentaý qalasyna qarasty Aşysaı aýylynda boldy.

1938 jyly salynǵan mádenıet úıiniń shatyry janyp ketti. Órt 600 sharshy metr aýmaqty sharpyǵan.

Eki qabatty nysannyń qabyrǵalary kirpishten turǵyzylǵan, al shatyryna aǵash tóselip, profnastılmen jabylǵan.

- Órt tolyǵymen sóndirildi. Oqıǵa ornyna Túrkistan oblysy Tótenshe jaǵdaılar departamentinen 21 qyzmetker men 6 tehnıka, jergilikti atqarýshy organdardan 3 maman men 1 tehnıka jumyldyryldy. Zardap shekkender joq. Qazirgi ýaqytta órttiń shyǵý sebebi anyqtalyp jatyr, - delingen Túrkistan oblysy Tótenshe jaǵdaılar departamenti taratqan aqparatta.

Aıta keteıik, budan buryn Almatyda meıramhana órtke oranǵanyn jazǵan bolatynbyz.