Túrkistan oblysynda 86 otbasy AÁK-ti zańsyz alyp, memleketke 17 mln teńge shyǵyn keltirgen

TÚRKІSTAN. KAZINFORM – Túrkistan oblysynyń prokýratýrasy 86 otbasynyń ataýly áleýmettik kómekti zańsyz alyp, memleketke 17 mln teńge shyǵyn keltirgenin anyqtady.

Statıstıkalyq derekterge sáıkes, 2025 jyly ataýly áleýmettik kómek alýshylardyń sany 91 myń adam, sońǵy úsh jylda bul kórsetkishtiń aıtarlyqtaı tómendegeni baıqalady (2023 j. – 168 myń adam, 2024 j. – 97 myń adam).

Alaıda taldaý nátıjesinde, joǵaryda kórsetilgen jekelegen otbasylar ótinish bergen kezde bir mekenjaıdy kórsetkenderi belgili boldy.

Odan bólek, 56 ótinish boıynsha jalǵan qorytyndylar jasalyp, 9,7 mln teńge zańsyz tólengen. Sondaı-aq 22 otbasy ózderiniń menshigindegi múlikti (avtokólik, jer ýchaskesi jáne t.b.) jasyrǵan, al 13 otbasy tabysyn kórsetpegen.

Atalǵan zań buzýshylyqtar boıynsha prokýrorlar ákimdikke zańdylyqty buzýshylyqtardy joıý jáne 36 mln teńgeden astam qarajatty qaıtarý týraly usynys engizdi. Búgingi tańda ákimdik aktini qaraý barysynda zań buzýshylyqtardy joıý jóninde sharalar qabyldap jatyr.

Aıta keteıik, AÁK alýshylar azyq-túlikti tsıfrlyq vaýcher arqyly tómen baǵamen satyp alady.