Túrkistan oblysynda 800-den astam túlek «Serpin» baǵdarlamasymen grantqa tústi
TÚRKІSTAN. KAZINFORM – 2025 jyly jumyssyz jastar men NEET sanatyndaǵy jastardyń úlesin azaıtý maqsatynda 12 memlekettik baǵdarlama aıasynda 50 831 jasty osy joba aıasynda jumyspen qamtý josparlanǵan. Bul týraly Túrkistan oblystyq qoǵamdyq damý basqarmasyna qarasty «Jastar resýrstyq ortalyǵy» KMM basshysynyń orynbasary Perdebek Serjanuly málimdedi.
– Oblys boıynsha jastarǵa arnalǵan memlekettik baǵdarlamalarmen 128 636 jasqa keńes berildi. Óńirde 2025 jyldyń І toqsanyndaǵy qorytyndy boıynsha 15-34 jasqa deıingi jastar arasyndaǵy jumyssyzdyq deńgeıi 1,9%-dy qurady. Al, NEET sanatyndaǵy jastar kórsetkishi 5,8%-ǵa tómendedi, , - dedi spıker.
Sondaı-aq Perdebek Serjanuly bıyl «Serpin-2050», «Máńgilik el jastary – ındýstrııaǵa» syndy memlekettik baǵdarlamalardy nasıhattaý maqsatynda elimizdegi 8 joǵary oqý ornynyń ókilderi arnaıy kelip, aýdandarda mektep túlekterimen kezdesý ótkizgenin jáne aımaqta eriktiler jumysyn damytý baǵytynda atqarylǵan jumystardy atap ótti.
– Baǵdarlama aıasynda Túrkistan oblysynan 802 túlek grantqa tústi. Budan bólek, oblys boıynsha 132 eriktiler uıymdarynda 18 myńnan astam jastar belsendi múshe retinde tirkelgen. Eriktiler jumysyn damytý baǵytynda oblys kóleminde 6 baǵyttan turatyn aýqymdy aktsııalar ótkizildi. Nátıjesinde 408 senbilik ótkizilip, 197 500-ge jýyq jas atsalysty, - dedi Túrkistan oblystyq qoǵamdyq damý basqarmasyna qarasty «Jastar resýrstyq ortalyǵy» KMM basshysynyń orynbasary.