Túrkistan oblysynda 68 mln tekshe metr sý jınaıtyn jańa sý qoımasy salynyp jatyr
ASTANA. KAZINFORM — QR Sý resýrstary jáne ırrıgatsııa mınıstrliginiń qoldaýymen Túrkistan oblysynda 68 mln tekshe metr sý jınaıtyn «Báıdibek ata» sý qoımasy salynyp jatyr. Jańa gıdrotehnıkalyq nysan Balabógen jáne Úlkenbógen ózenderiniń qıylysqan tusynda, 680 gektar jerde boı kóteredi. Bógettiń uzyndyǵy – 1,75 shaqyrym, bıiktigi – 26 metr. Sý qoımasy kóktemgi tasqyn sýyn jınap, sýarý maýsymynda «Bógen» sý qoımasyna qosymsha sý jiberedi. Bul týraly vedomstvonyń baspasóz qyzmeti málimdedi.
«Mınıstrliktiń Sý resýrstaryn basqarý júıesin damytýdyń 2024-2030 jyldarǵa arnalǵan tujyrymdamasyna sáıkes Túrkistan oblysynda «Báıdibek ata» jáne «Boraldaı» sý qoımalary salynady. Eki nysan «Bógen» sý qoımasyna qosymsha 113 mln tekshe metr sý jetkizýge múmkindik beredi. Osylaısha biz Túrkistan qalasy aýmaǵynda aǵyn sý máselesin sheshýdi josparlap otyrmyz», - dedi sý resýrstary jáne ırrıgatsııa mınıstri Nurjan Nurjigitov.
Sý qoımasyna jınalǵan sýdy «Bógenge» jetkizý úshin «Sarqyrama» kanaly salynyp jatyr. Jalpy uzyndyǵy 21,7 shaqyrym bolatyn kanal sekýndyna 12 tekshe metr sý ótkize alady. Búgingi tańda qurylys jumystary 48%-ǵa aıaqtalyp, 10 shaqyrymnan astam bóligi tolyq betondaldy.
«Báıdibek ata» sý qoımasynyń negizgi sý kózi – Bógen ózeni. Gıdrologııalyq esepteýlerge sáıkes, ózenniń ortasha jyldyq aǵyny – 165 mln tekshe metrge deıin jetedi. ıAǵnı, osy sýdy jınap alyp, halyqtyń qajettiligine jaratý óte mańyzdy», - dedi sý sharýashylyǵy salasynyń ardageri Іlııas Álibekov.
