Túrkistan oblysynda 600-den astam boryshkerge izdeý jarııalandy

TÚRKІSTAN. KAZINFORM — Oblysta 218 notarıýs pen 150 sot oryndaýshysynyń qyzmeti tekserildi.

Oblystyq Ádilet departamenti basshysynyń orynbasary Negına Qylyshbaevanyń aıtýynsha, ótken jyly azamattarǵa 2 202 memlekettik qyzmet kórsetilgen.

Spıkerdiń sózinshe, óńirde 218 notarıýs azamattarǵa qyzmet etedi. Sondaı-aq 13 memlekettik jáne 137 jeke sot oryndaýshy bar.

— Departament tarapynan notarıýstardyń is-áreketterine qatysty 36 tekserý júrgizilip, nátıjesinde 15 notarıýs jaýapkershilikke tartyldy. Sonymen qatar jeke sot oryndaýshylaryna qatysty 135 josparly baqylaý júrgizilip, 111 tulǵa tártiptik jaýapqa tartyldy, — dedi ol.

Vedomstvo málimetinshe, oblysta ótken jyly 163 593 atqarýshylyq óndiris nátıjesinde memleket kirisine 7 mıllıard 885 mıllıonan astam teńge túsken.

Sondaı-aq alıment óndirý sanaty boıynsha 23 275 qujat tirkelgen.

— Onyń ishinde 614 boryshkerge izdeý jarııalandy. Al 277 boryshker ákimshilik jaýapkershilikke tartyldy. «Bos oryndar» jármeńkesi aıasynda 84 boryshker jumyspen qamtyldy, — dedi spıker.

Oblys boıynsha byltyr 65 558 azamattyq hal aktisi tirkelgen. Onyń 45 724-i — týý, 9 981-i — qaıtys bolý, 9 249-y — nekege turý jáne 604-i — nekeni buzý derekteri.

Budan buryn Atyraýda 260 boryshker múlde alıment tólemegenin jazǵan edik.