Túrkistan oblysynda 60 otbasy baspanaly boldy

TÚRKІSTAN. KAZINFORM – «8 naýryz – Halyqaralyq áıelder kúni» merekesi aıasynda Jetisaı aýdanynda 60 otbasy baspanaly boldy. 

Merekelik is-sharaǵa qatysqan aýdan ákimi Serik Mamytov pen aýdandyq máslıhat tóraǵasy Medet Qasymov baspana ıelerin qýanyshtarymen quttyqtady.

Bes qabattan turatyn úılerdegi páterler turǵyn úı kezeginde turǵan Ekinshi dúnıejúizilik soǵys ardagerleri men kópbalaly otbasylarǵa, І-ІІ top múgedektigi bar azamattarǵa, jetim jáne ata-anasynyń qamqorlyǵynsyz qalǵan balalarǵa, memlekettik qyzmetshiler men ózge de bıýdjettik mekemede jumys isteıtin azamattarǵa berildi.

Aıta keteıik, aldaǵy ýaqytta Jetisaıda satyp alý quqyǵynsyz jalǵa beriletin 90 úıdi tapsyrý kózdelip otyr.