Túrkistan oblysynda 6 jastaǵy qyzdyń asqazanynan 1 keli shash shyqty
TÚRKІSTAN. KAZIMFORM - Túrkistan oblystyq balalar aýrýhanasynyń dárigerleri 6 jasar qyz balanyń asqazanyna kúrdeli ota jasady.
Naýqas oblystyq balalar aýrýhanasynyń qabyldaý bólimine jedel járdem qyzmetimen jetkizilgen. Patsıentke EFGDS protsedýrasyn jasaǵan dárigerler qyzdyń asqazanynda bógde zat bar ekendigin anyqtap, kúrdeli ota jasady.
Ota kezinde dárigerler búldirshinniń asqazanynan salmaǵy bir kelige jýyq uıysyp qalǵan shash alyp shyqty. Ota sátti ótip, emdelýshi bir kúnnen keıin palataǵa aýystyryldy.
Bir aptaǵa jýyq aýrýhanada em alǵan qyz balanyń qazirgi jaǵdaıy jaqsy.
Anasynyń aıtýynsha, balanyń aýyrǵanyna 1 aı bolǵan. Ol asqazan aımaǵynyń aýyrsynýyna, álsizdikke, tábetiniń bolmaýyna, salmaǵynyń tómendeýine shaǵymdanǵan.
- Otanyń uzaqtyǵy bir saǵatqa sozyldy. Ota óte sátti ótti. Jalpy mundaı jaǵdaılar balanyń qaraýsyz qalǵanynan bolady. Kishkentaı balalar túrli zattardy aýzyna salyp, saldarynan ishke zııandy zattar jınalady. Bul jaǵdaı balanyń ómiri úshin qaýipti bolǵandyqtan, ata-analarǵa balalaryn qaraýsyz qaldyrmaýlaryn eskertemiz. Túrkistan oblystyq balalar aýrýhanasynda hırýrgııalyq kómekter tegin kepildendirilgen medıtsınalyq kómek aıasynda kórsetiledi, - dedi, oblystyq balalar aýrýhanasynyń balalar hırýrgi Muqaǵalı Temirbekov.
Aıta keteıik, budan burynTúrkistan oblysynda 4 jyl buryn joǵalǵan qyz tabylǵanyn jazǵan bolatynbyz.