Túrkistan oblysynda 500-ge jýyq muǵalim jalǵan dıplommen eńbek etip kelgen

TÚRKІSTAN. KAZINFORM – Tekserýde jumystarynyń nátıjesinde keıbir pedagogtardyń joǵary bilimi týraly dıplomdary jalǵan bolyp shyqqan. Bul týraly Túrkistan oblysynyń ákimi Darhan Satybaldy «DIGITAL KAZAKHSTAN: zamanaýı bilim berý» taqyrybynda ótken tamyz keńesinde málimdedi.

«500-ge jýyq joǵary bilim týraly jalǵan dıplom anyqtaldy. Bul baǵytta quzyrly organdar jumys istep jatyr. Jumystar jalǵasady. Túbine jetetin bolamyz. Mektep ujymy men basshylarynyń arasyndaǵy 16 eńbek daýy Sottar men Prezıdent Ákimshiligi deńgeıine deıin qaralǵan. Bilim salasyndaǵy keıbir qoly las qyzmetkerleri salany tabys tabý kózine aınaldyryp, mıllıardtaǵan memleket qarjysyn talań-tarajǵa saldy. Atalǵan derek boıynsha birqatar lazaýymdy tulǵa men jaýapty qyzmetkerler qylmystyq jaýapkershilikke tartylýda. Áli de tartylatyn bolady. Qazirgi tańda biz bilim salasyndaǵy býhgalterlik súıemeldeý jumysyn júrgizetin tsıfrlyq platformany ózgesine almastyrdyq», - dedi Darhan Satybaldy.

Sondaı-aq bilim berý uıymdarynda 1 383 arttyq shtat birlikteri anyqtalǵanyna toqtalǵan oblys ákimi bul baǵytta kezeń-kezeńimen qysqartý jumystary júrgiziletinin jetkizdi.

Eske salsaq, buǵan deıin ShQO-daǵy sport mektepteriniń jattyqtyrýshylary jalǵan dıplom paıdalanǵanyn jazǵan edik.