Túrkistan oblysynda 50 boryshker alıment tólemegeni úshin ákimshilik jaýapqa tartyldy
TÚRKІSTAN. KAZINFORM — Túrkistan oblysy Saryaǵash aýdanynyń prokýratýrasy taldaý nátıjesinde birqatar boryshkerlerdiń eńbekke qabiletti bola tura jumyspen qamtý organdary usynǵan jumys oryndaryna ornalasýdan ádeıi bas tartyp, óz balalaryna alıment tóleý mindetin oryndamaǵany anyqtady.
Qabyldanǵan prokýrorlyq qadaǵalaý sharalarynyń nátıjesinde sońǵy bir jyl ishinde 50 boryshker ÁQBtK-niń 669-baby boıynsha ákimshilik jaýaptylyqqa tartyldy.
Sonymen qatar, sot aktilerin jáne zań talaptaryn qasaqana elemeı, balalaryna alıment tóleýden jaltarǵan 5 boryshker Qylmystyq kodeksiniń 139-baby boıynsha qylmystyq jaýaptylyqqa tartyldy.
Alıment tólemeý – bul tek sot sheshimin oryndamaý emes, bul óz balasynyń zańdy quqyqtaryn óreskel buzý.
Prokýratýra alıment tóleýden jaltarǵan árbir boryshkerdiń áreketine qatań quqyqtyq baǵa berip, olardyń zańda kózdelgen jaýaptylyqqa tartylýyn qamtamasyz etedi.
Aıta ketelik Pavlodar oblysynda alıment tólemeıtinderdi izdestirý jumystary kúsheıtilgeni týraly jazǵan edik.
