Túrkistan oblysynda 5 mln teńge bopsalady degen kúdikpen er adam ustaldy
ASTANA. KAZINFORM – Túrkistan oblysy polıtsııa departamenti uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda aqsha bopsalady degen kúdikpen Saryaǵash aýdanynyń 38 jastaǵy turǵynyn ustady, — dep habarlaıdy Polisia.kz.
Aldyn ala málimet boıynsha, er adam Shymkent qalasynyń turǵynynan ar-namysyna nuqsan keltiretin málimetterdi taratamyn dep qorqytyp, 5 mıllıon teńge talap etken. Tintý barysynda kúdiktiden telefon men 5 mıllıon teńge kólemindegi aqsha tabylyp, tárkilendi.
Atalǵan fakti boıynsha QR Qylmystyq kodeksiniń 194-baby (Bopsalaý) boıynsha sotqa deıingi tergep-tekserý júrgizilip jatyr.
Osyǵan deıin Jańaózende bopsalaý kúdigimen er adam qamaýǵa alynǵan bolatyn.
