Túrkistan oblysynda 4 aýdannyń ákimi saılandy

Saılaý qorytyndylaryna sáıkes Báıdibek aýdanyna Erlan Nurmahanov, Maqtaaral aýdanyna Bahyt Asanov, Sozaq aýdanyna Muhıt Turysbekov, Shardara aýdanyna Arman Qarsybaev ákim bolyp saılandy, dep habarlaıdy Kazinform.

Túrkistan oblysyndaǵy saılaý ótken 4 aýdanda da úsh kandıdattan baq synasty.

Halyqta saılaýǵa belsendi qatysty. Tipti, keı saılaý ýchaskelerinde kontserttik baǵdarlama qoıylyp, jergilikti ónerpazdar ásem ánder oryndap, kópshiliktiń yqylasyna bólendi. Al, ulttyq kıimde kelgen ájeler men kelinder ózara sabaqtastyqtyń úlgisin kórsetti.

Nátıjesinde Báıdibek aýdanynda kásipker azamat qarsylastaryn jeńip shyqsa, Shardara aýdanynda máslıhat tóraǵasy qyzmetin atqarǵan depýtat joǵary upaı jınady. Al, Sozaq, Maqtaaral aýdandarynda saılaýshylar buryn ákim qyzmetin atqaryp kelgen eki kandıdatqa qoldaý bildirgen.

Túrkistan oblystyq aýmaqtyq saılaý komıssııasynyń málimetine súıensek, «Barlyǵyna qarsy» belgisi bar bıýlletender Maqtaaral aýdanynda kóp bolǵan. ıAǵnı, mundaǵy 922 saılaýshy barlyq kandıdatqa qarsy qatardy belgilegen.