Túrkistan oblysynda 33 qoıdy kólikpen alyp ketken eki kúdikti ustaldy

Túrkistan oblysynda qoı urlady dep aıyptalǵan qos kúdiktige qatysty sotqa deıingi tergeý júrip jatyr, dep habarlaıdy Kazinform.

Oqıǵa Saýran aýdanynda tirkeldi. Jergilikti turǵynnyń qorasynda turǵan 33 qoıy bir túnde qoldy bolǵan.

Jalpy jábirlenýshige 2 mıllıon teńgege jýyq shyǵyn kelgen. Tyńǵylyqty jedel-izdestirý is-sharalarynyń nátıjesinde polıtsııa qyzmetkerleri mal urlyǵyn jasaǵan eki kúdiktini ustady.

«Eki jigit túngi ýaqytta qorada turǵan qoılardy avtokólikke salyp, urlap ketken. Maldy bazarǵa aparyp, satyp jibergen. Al túsken aqshany ekeýara bólisip, bas paıdalaryna jaratqan. Tergeý barysynda kúdiktiniń biri buryn sotty bolǵany anyqtaldy. Qazirgi tańda eki azamat qamaýǵa alynyp, olarǵa qatysty sotqa deıingi tergep-tekserý amaldary júrgizilip jatyr», - delingen Túrkistan oblysy polıtsııa departamentiniń baspasóz qyzmeti taratqan aqparatta.