Túrkistan oblysynda 30-ǵa jýyq aýyl ishimdikten bas tartty

«Іshimdiksiz aýyl» jobasyna Túrkistan oblysynda 30-ǵa tarta aýyl qoldaý bildirdi, dep habarlaıdy Polisia.kz.

 Atap aıtsaq, Ordabasy men Maqtaaral aýdanynda - 5 aýyl, Keleste - 4 aýyl, Saıramda - 3 aýyl, Qazyǵurt, Tólebı, Saýranda - 2 aýyl, Otyrar, Jetisaı, Arysta bir aýyl turǵyndary spırttik ishimdik satýdan bas tartqan.

Máselen, Saýran aýdanynyń Nurtas eldimekeninde 1835 adam turady. Aýylda bir mektep, eki balabaqsha bar. Turǵyndarǵa úsh dúken qyzmet etedi. Aýyl turǵyndary qurt pen maıyn daıyndap, mal sharýashylyǵymen aınalysady. Tórt túlikti tirshilik etken aýyldyń qaımaǵy buzylmaǵan. Aqsaqaldar jastarǵa úlgi-ónegesin kórsetse, jastar alǵan tálim-tárbıesin ushtastyryp, aýyldy kórkeıtý baǵytynda jumys jasap keledi. «Atadan mal qalǵansha, tal qalsyn» degendi ustanǵan mundaǵy halyq aǵash egý, senbilikke shyǵý syndy isterdi jasy da, kárisi de birlesip atqarýdy dástúrge aınaldyrǵan.

Osy rette aýyl turǵyndary tynyshtyq pen tártiptiń saqtalýynda ýchaskelik polıtsııa ınspektorlarynyń eńbegi kóp ekenin alǵa tartyp, alǵystaryn bildirdi.

Al ýchaskelik polıtsııa ınspektorlary aýyldaǵy árbir úıdiń jaǵdaıymen qanyǵyp, kúndelikti jumys júrgizip otyrady. Sonyń nátıjesinde joǵaryda 30-ǵa jýyq aýylda sońǵy birneshe jyl qatarynan qylmys tirkelmegen. Osy rette polıtsııa men qoǵam birlese izgilikke bet burǵan aýyldar qataryn kóbeıtip, qylmyssyz qoǵam qurý jumystary jalǵasa beredi.