Túrkistan oblysynda 3 myń gektar jer memleketke qaıtaryldy
ASTANA.KAZINFORM – Qazaqstan Respýblıkasy Aýyl sharýashylyǵy mınıstrliginiń Jer resýrstaryn basqarý komıtetiniń Túrkistan oblysy boıynsha Jer resýrstaryn basqarý departamenti Túrkistan oblysy Otyrar aýdany ákimdiginde jospardan tys tekserý júrgizdi. Nátıjesinde Túrkistan oblysynda 3000 gektar aýyl sharýashylyǵy jeri memleket menshigine qaıtaryldy.
Tekserý qorytyndysy boıynsha jalpy kólemi 1983,2 gektar aýyl sharýashylyǵy maqsatyndaǵy jer telimderi aýdannyń ákimshilik shekarasynan tys jerde berilip, jer zańnamasynyń talaptary buzylǵany anyqtaldy.
Zańbuzýshylyqtardy joıý maqsatynda Departament tarapynan tıisti nusqama berildi. Nátıjesinde ákimdik tıisti sharalar qabyldap, atalǵan jer telimderi memleket menshigine qaıtaryldy.
Sonymen qatar, basqa aýyl sharýashylyǵy ónimin óndirýshige 1000 gektar jer telimin berý kezinde de osyndaı zańbuzýshylyq anyqtaldy. Osy derek boıynsha Departament Túrkistan oblysynyń mamandandyrylǵan aýdanaralyq ekonomıkalyq sotyna talap-aryz joldady. Sot talapty tolyq kólemde qanaǵattandyryp, atalǵan jer telimi de memleket menshigine qaıtaryldy.
Qabyldanǵan sharalar jer resýrstaryn basqarýda zańdylyqty qamtamasyz etýge jáne memlekettiń múddesin qorǵaýǵa baǵyttalǵan.
Buǵan deıin Túrkistanda 26 jer ýchaskesi 83 mln teńgege negizsiz satyp alynǵanyn jazǵan edik.