Túrkistan oblysynda 250 keliden astam marıhýana tárkilendi
TÚRKІSTAN. KAZINFORM – Túrkistan oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri 2024 jyldyń 9 aıynda esirtkiniń zańsyz aınalymyna qatysty 629 derekti anyqtady.
Onyń 35-i esirtki satý, 67-si zańsyz egý, 10 jaıty asa iri kólemde esirtki saqtaý. Sondaı-aq 1 esirtki laboratorııasynyń jumysyna tosqaýyl qoıyldy.
«Jalpy zańsyz aınalymnan 250 keliden astam marıhýana men 3,5 myń dozaǵa jýyq sıntetıkalyq esirtki zaty tárkilendi. Máselen, «Batys Qytaı - Batys Eýropa» tas joly boıynda «Ford» avtokóligi toqtatylyp, Shymkent qalasynyń turǵynynan 79 keli keptirilgen marıhýana tárkilenip, kúdikti qamaýǵa alyndy», - delingen Túrkistan oblysy PD habarlamasynda.
Esirtki jarnamalaý, graffıtı jazýlary boıynsha 8 derek tirkelip, esirtki jarnamalaýshy 94 aqparattyq saıt buǵattaldy. QR ІІM-niń tikushaǵymen esirtki alqaptarynda áýemen barlaý jumystary júrgizilip, 63 derek anyqtaldy. Bul baǵyttaǵy jumystar aldaǵy ýaqytta da jalǵasady.
ShQO-ǵa basqa óńirden kelgen esirtki taratýshy ustalǵanyn jazǵan bolatynbyz.
