Túrkistan oblysynda 247 zańsyz qoqys orny anyqtaldy
TÚRKІSTAN. KAZINFORM – Túrkistan oblysynyń prokýratýrasy óńir aýmaǵynda ekologııalyq zańnama talaptarynyń saqtalýyna turaqty túrde monıtorıng júrgizip keledi.
Mamandandyrylǵan tabıǵat qorǵaý prokýratýrasy Qazaqstan Ǵarysh Sapary UK AQ-nyń geoportaly múmkindikterin paıdalana otyryp júrgizgen taldaý nátıjesinde 2025 jyly oblys aýmaǵynda ruqsat etilmegen qaldyqtardy ornalastyrýdyń 247 faktisin anyqtaǵan.
- Prokýratýranyń qadaǵalaý aktileri negizinde jergilikti atqarýshy organdar zańsyz qoqys oryndaryn joıý, aýmaqtardy tazartý jáne olardy ekologııalyq zańnama talaptaryna sáıkestendirý boıynsha tıisti sharalar qabyldady. Nátıjesinde anyqtalǵan barlyq zańbuzýshylyqtar tolyq joıyldy, - dep jazdy qadaǵalaýshy organnan.
Prokýratýra málimetinshe, ekologııalyq qaýipsizdikti qamtamasyz etý jáne qorshaǵan ortany qorǵaý baǵytyndaǵy jumys aldaǵy ýaqytta da jalǵasady.
Buǵan deıin Pavlodardaǵy zańsyz qoqys oryndary da ǵarysh monıtorıngi kómegimen anyqtaldy.