Túrkistan oblysynda 23 jastaǵy ana úshemdi dúnıege ákeldi
TÚRKІSTAN. KAZINFORM – Óńirde jyl basynan beri segizinshi úshem dúnıege keldi.
Qazyǵurt aýdanynyń Turbat aýylynda turatyn jas otbasynyń shańyraǵynda birden úsh ul dúnıege keldi.
Úshemniń ákesi Aslıddın Shapahov 1998 jyly, al anasy Zıeda Saıdýrasıl 2003 jyly týǵan. Jas otbasynyń tuńǵyshy – Týrsýnmýrod. Endi olardyń otbasyna Hasan, Hýsan jáne Ýsmon esimdi úsh ul qosylyp, erli-zaıypty tórt balanyń ata-anasy atandy.
Oblystyq densaýlyq saqtaý basqarmasynyń málimetinshe, bosandyrý otasy júktiliktiń 33 aptasy 4 kúninde jasalǵan. Ota sátti ótip, ana men sábılerdiń jaǵdaıy turaqtanǵannan keıin olar úıine shyǵaryldy.
– Túrkistan oblystyq №1 perınataldyq ortalyǵynyń dárigerleri bosandyrý kezinde qajetti medıtsınalyq kómek kórsetti. Qazirgi ýaqytta jas ana men úshemniń jaǵdaıy baqylaýda, tıisti ońaltý sharalary júrgiziledi, – delingen habarlamada.
Buǵan deıin Túrkistan oblysynda jyl basynan beri jetinshi úshem dúnıege kelgenin habarlaǵan edik. Sábılerge Sultan, Omar jáne Osman esimderi berilgen.
