Túrkistan oblysynda 2000-nan astam adam qarjy pıramıdasynyń qurbany boldy
TÚRKІSTAN. KAZINFORM - 2023-2024 jyldary 2 myńnan astam túrkistandyq 650 mln teńgege jýyq qarjysyn qarjylyq pıramıdalarǵa salyp jibergen. Bul týraly Túrkistan oblysy boıynsha ekonomıkalyq tergep-tekserý departamentiniń basshysy Erbolat Balǵabaev málimdedi.
Atalǵan is boıynsha 22 kúdiktige qatysty «kúzetpen ustaý» túrindegi bultartpaý sharasy qoldanylyp, kúdiktilerdiń 222 mln. teńgeni quraıtyn 14 jyljymaıtyn múligi men 4 avtokóligine sot sanktsııasymen tyıym salynǵan. Jalpy, jábirlenýshilerge keltirilgen zalaldyń 233 mln teńgesi qaıtyryldy.
«Oblys aýmaǵynda qarjylyq pıramıdany qurý jáne oǵan basshylyq etý deregimen «Chia Tai Pharmaceutical» jáne «Eloýs» qarjylyq pıramıdalaryna qatysty tirkelgen 2 qylmystyq is tergep-tekserilip jatyr. Qarjylyq pıramıdalardyń aldyn-alý maqsatynda departament «Aımap» aqparattyq júıesi arqyly qaýiptiligi bar 10 myńǵa jýyq «Instagram» akkaýntyn anyqtady. «Kıbernadzor» aqparattyq júıesi arqyly qarjylyq pıramıda jáne zańsyz oıyn bıznesine kúdik týdyrǵan 180 akkaýnt pen saıt, «WhatsApp» toptary buǵattaldy. Halyq arasyndaǵy keńinen taralǵan qarjylyq alaıaqtyq jáne ekonomıkalyq qylmystar deńgeıin tómendetý maqsatynda QR Qarjylyq monıtorıng agenttigimen «AFM INSIDER» telegram chat-boty iske qosyldy», - dedi Erbolat Balǵabaev.
