Túrkistan oblysynda 2 myń gektar jer jalǵan qujatpen jeke tulǵalarǵa zańsyz rásimdelgen

TÚRKІSTAN. KAZINFORM – Túrkistan oblysynyń prokýratýrasy jer zańnamasy salasynda zań buzýshylyqtar bar ekenin anyqtady.

Túrkistan oblysynyń prokýratýrasy jer telimderin zańsyz berýge, resimdeýge jáne olardy memleket menshiginen shyǵarýǵa baılanysty jer qatynastar salasynda zań buzýshylyqtardy anyqtady.

— Saýran aýdanynda jalǵan qujatpen kólemi 2 myń gektar aýyl sharýashylyǵy jerleri jeke tulǵalarǵa rásimdelgen, keıinnen olardyń nysanaly maqsaty bıznes úshin ózgertilgen. Bul zańsyz áreket memleketke 320 mln teńgege zalal keltirgen, sondyqtan 2 sotqa deıingi tergeý amaldary bastaldy, - delingen habarlamada.

Tólebı aýdanynda komıssııa sheshiminsiz 23 jer telimine qatysty jer ýchaskelerin tabystaý, nysanaly maqsatyn ózgertý jáne jalǵa berý merzimin uzartý týraly zańsyz jaǵdaılary anyqtaldy.

Osy aýdanda jeke menshikke 39 jertelimi berilgen, alaıda is júzinde zańnamada belgilengen merzimde ıgerilmegen.

Atalǵan faktiler boıynsha prokýrorlyq qadaǵalaý aktileri engizilip, is-qujattar prokýratýranyń AEK-na tirkeldi jánesybaılas jemqorlyqqa qarsy is-qımyl Departamentine protsestik sheshim qabyldaý úshin joldandy.

Jalpy, 2025 jyldyń I-toqsanynda oblys prokýratýrasynyń aktileri negizinde memleketke kadastrlyq quny 2 mlrd teńgeden asatyn jer qaıtaryldy.

Buǵan deıin Qostanaı oblysynda aýdan ákimdikteri jer telimderine kezekti ádeıi jasyryp kelgenin jazǵan edik.