Túrkistanda gazdy tutyný boıynsha 2 856 abonentten kemshilikter anyqtaldy
TÚRKІSTAN. KAZINFORM – Gaz qaýipsizdigin saqtaý boıynsha keshendi reıdtik sharalar júrgizilip jatry.
«Gaz ınspektsııasy» mekemesiniń málimetine sáıkes, qazirgi tańda Túrkistan qalasynda tabıǵı gaz júıesine qosylǵan abonentter sany 46 270-ke jetken. Onyń ishinde 33 833-i – jeke turǵyn úı, 12 437-si – kópqabatty turǵyn úılerdiń páteri.
– 2025 jyly 43 626 abonent tekserilip, olardyń 40 770-i gazdy qaýipsiz ári talapqa saı paıdalanyp otyrǵany anyqtaldy. Al 2 856 abonentten túrli sıpattaǵy kemshilikter tabylyp, olarǵa tıisti eskertýler berilip, aqaýlardy joıý boıynsha nusqamalar joldandy. Kásipkerlik salaǵa qatysty 847 nysan tirkelgen. Búgingi kúnge deıin onyń 189-y tekserilip, 45 nysanda qaýipsizdik talaptarynyń saqtalmaǵany belgili boldy. Atalǵan kemshilikterdiń 28-i tolyqtaı qalpyna keltirilip, qalǵandary boıynsha túzetý jumystary júrgizilip jatyr, – delingen qala ákimdigi taratqan aqparatta.
Sonymen qatar, qala aýmaǵyndaǵy mektepter men balabaqshalarda da gaz qaýipsizdigi talaptarynyń saqtalýy qatań baqylaýǵa alynǵan. Bilim berý uıymdarynda túsindirý jumystary júrgizilip, reıdtik sharalar arqyly profılaktıkalyq eskertýler jasalyp jatyr.
Budan buryn Túrkistan oblysynda órtke qarsy qaýipsizdik sharalary kúsheıtilip, aýqymdy reıd bastalǵanyn jazǵan edik.