Túrkistan oblysynda 1,3 mıllıon teńge qaryzy bar júrgizýshi anyqtaldy
TÚRKІSTAN. KAZINFORM – Óńirde jol tártibin buzýshy júrgizýshilerge qatysty aýqymdy tekserý bastaldy.
Tóle bı aýdanynda «Qorǵaý» júıesi arqyly 1,3 mıllıon teńgeden astam bereshegi bar júrgizýshi anyqtaldy. Leńgir qalasynyń kósheleriniń birinde Mercedes-Benz kóligin toqtatqan tártip saqshylary júrgizýshini jaýapqa tartyp, túsindirme jumystaryn júrgizdi.
Polıtseılerdiń aıtýynsha, «Qorǵaý» baǵdarlamasy «nóldik tózimdilik» qaǵıdaty boıynsha jumys isteıdi jáne táýlik boıy qoǵamdyq tártipti baqylaýǵa múmkindik beredi.
- Qazirgi ýaqytta Túrkistan oblysy boıynsha jol-kólik oqıǵalaryn azaıtý jáne júrgizýshilerdiń tártibin baqylaý maqsatynda «Qaýipsiz jol» jedel-profılaktıkalyq is-sharasy júrgizilip jatyr. Іs-sharanyń basty maqsaty – azamattardyń qaýipsizdigin qamtamasyz etý jáne joldaǵy tártipti nyǵaıtý, - delingen, Túrkistan oblysy polıtsııa departamentiniń baspasóz qyzmeti taratqan aqparatta.
Aıta keteıik, budan buryn Túrkistan oblysynda birden 28 polıtseı jazalanǵanyn jazǵan bolatynbyz.