Túrkistan oblysynda 1 myń maldy zańsyz shekara asyrmaq bolǵan top ustaldy
ASTANA. KAZINFORM — 24 sáýir kúni Túrkistan oblysynda jedel aqparatty iske asyrý barysynda maldy zańsyz áketý áreketi toqtatyldy. Memlekettik shekarany kesip ótý kezinde ótkizý beketteriniń birinde shamamen 1000 bas usaq mal tıelgen birneshe júk kóligi ustaldy. Bul týraly Polisia.kz jazdy.
Osylaısha aýyl sharýashylyǵy janýarlaryn elden zańsyz shyǵarýǵa jol berilmeı, ishki naryqqa keri áserdiń aldyn alýǵa jáne tapshylyq táýekelderin boldyrmaýǵa múmkindik týdy. Atalǵan fakt boıynsha qylmystyq is qozǵalyp, tergeý júrgizilip jatyr. Janýarlar men kólik quraldary tárkilendi.
Qoldanystaǵy shekteýlerge qaramastan, jekelegen tulǵalar jalǵan qujattardy jáne qalyptasqan arnalardy paıdalana otyryp, maldy zańsyz shyǵarýdy uıymdastyrýǵa árekettengen.
Memleket basshysynyń azyq-túlik qaýipsizdigin qamtamasyz etý jáne baǵany turaqtandyrý jónindegi tapsyrmalaryn oryndaý aıasynda Іshki ister mınıstrligi aýyl sharýashylyǵy janýarlaryn shetelge negizsiz shyǵarýǵa jol bermeý boıynsha júıeli jumys júrgizip jatqanyn eske salamyz.
Buǵan deıin Jambyl oblysynda mal urlyǵymen aınalysqan eki top ustalǵan bolatyn.
