Túrkistan oblysynda 10 sý kanaly memleket menshigine qaıtaryldy
TÚRKІSTAN.KAZINFORM - Túrkistan oblysynda prokýrorlar strategııalyq mańyzy bar sý arnalarynyń memleket menshigine qaıtarylýyn qamtamasyz etti.
Saıram aýdanynyń prokýratýrasy strategııalyq mańyzy bar ınfraqurylym obektileriniń memlekettik menshigin qorǵaýǵa jáne qaıtarýǵa baǵyttalǵan qadaǵalaý qyzmetin turaqty negizde júzege asyryp keledi.
Qadaǵalaý is-sharalary barysynda aýdan aýmaǵyndaǵy jalpy uzyndyǵy 32 shaqyrym, 243 myńnan astam turǵyndy, sondaı-aq aýyl sharýashylyǵy jerlerin sýmen qamtamasyz etý úshin strategııalyq mańyzy bar 10 sý kanaly memlekettik menshikke resimdelmegeni anyqtaldy.
Prokýrorlyq den qoıý sharalar nátıjesinde gıdrotehnıkalyq qurylystar memleket menshigine qaıtaryldy.
Oblystyq prokýratýra málimetinshe, atalǵan obektilerdiń memlekettik menshikte bolmaýy olardy tıimdi basqarý men kútip-ustaýǵa, sondaı-aq halyqty jáne aýyl sharýashylyǵy jerlerin sýmen turaqty qamtamasyz etýge teris áserin tıgizýi múmkin edi.
Osyǵan baılanysty prokýratýra bul baǵyttaǵy jumysty jalǵastyryp jatyr.
Aıta keteıik, Jambyl oblysynda 47,5 myń gektar jer memleketke qaıtaryldy.
