Túrkistan oblysynda 1 myńǵa jýyq adamdy ıt qapqan
TÚRKІSTAN. KAZINFORM — Bıyl óńirde 41,3 myń qańǵybas ıt pen mysyqty aýlaý josparlanyp otyr.
Jaraqattanǵandardyń 976-y ıtten, 217-i mysyqtan, 50-i jylqydan, 5-i múıizdi iri qara maldan, 49-y jabaıy janýarlar men kemirgishterden zardap shegip otyr.
ıAǵnı, jaraqat alýshylardyń 96,2%-y úı janýarlarynyń úlesine tıesili.
«Túrkistan oblysy qutyrý aýrýynyń qaýpi joǵary aımaqtar qataryna jatady. Bıylǵy 3 aıda janýarlardan zardap shekken 1 297 adam medıtsınalyq kómekke júgingen. Jalpy, bıyl óńir turǵyndary arasynda qutyrý tirkelmedi», — dedi Nurbek Nyshanov.
Oblystyq aýmaqtyq ınspektsııasynyń basshysy Aǵabek Abdıev bekitilgen josparǵa sáıkes, 4 aıda 23 499 bas iri qara malǵa, 61 387 bas usaq malǵa, 7 230 jylqyǵa, 2 907 túıege, 29 450 ıt pen 6 160 mysyqqa ekpe egilgenin málimdedi.
Al, veterınarııa basqarmasynyń basshysy Ǵanı Qurmanbaıdyń aıtýynsha, bıyl 41,3 myń bas qańǵybas ıt pen mysyqty aýlaý josparlanyp otyr.
Al, búgingi kúnge 12,9 myń bas qańǵybas ıt-mysyq oqshaýlanǵan.
«Bıyl óńirde qutyrý aýrýyna qarsy 906 myń bas janýarǵa profılaktıkalyq is-shara josparlanyp otyr. 4 aıda jospardyń 70%-y oryndaldy. Sonymen qatar, jyl basynan beri janýarlardyń qutyrý aýrýy boıynsha Jetisaı, Qazyǵurt, Sozaq, Ordabasy aýdandarynda 9 jaǵdaı tirkeldi. Sondaı-aq, janýar adamǵa nemene janýarlarǵa shabýyl jasaǵan jaǵdaıda ony óltirýge ruqsat etilgen», — dedi Ǵanı Qurmanbaı.