Túrkistan oblysynda 1 kent pen 32 eldimekenge gaz berý ýaqytsha toqtatyldy

TÚRKІSTAN. KAZINFORM – Búgin Túrkistan oblysynda dıametri 400 mm joǵary qysymdy gaz qubyrynyń «Maqtaaral» gaz taratý stantsııasynan (GTS) Myrzakent kentine deıingi ýchaskesinde gaz aǵýy anyqtaldy.

Bul oqıǵaǵa qatysty «QazaqGaz Aimaq» AQ baspasóz qyzmeti resmı málimdeme taratty.

— Topyraqty ashý barysynda dánekerlengen túıispe qosylysynyń ashylyp ketip, germetızatsııasynyń buzylǵany belgili boldy. Apattyq brıgada qaýipsizdik maqsatynda «Maqtaaral» GTS-ten keıingi dıametri 300 mm ysyrmany japty. Qazirgi ýaqytta 1 kent pen 32 eldimekenge gaz berý ýaqytsha toqtatyldy. Shamamen 9 myń abonent, sondaı-aq kommýnaldyq jáne ónerkásiptik tutynýshylar gazdan ýaqytsha ajyratyldy, — delingen resmı habarlamada.

Apatty qalpyna keltirý jumystary jalǵasýda. Gaz berý qaıta bastalǵanda qosymsha habarlanbaq.

— Gazben jabdyqtaýdy toqtatý — májbúrli shara. Apattyq jaǵdaıdy joıý táýlik boıy júrgiziledi. Sondyqtan turǵyndardan túsinistik tanytýdy suraımyz. Qalpyna keltirý jumystary tolyq aıaqtalǵan soń gazben jabdyqtaý qaýipsiz jáne turaqty túrde qaıta iske qosylady, — dedi mekemeniń jaýapty ókilderi.

Budan buryn bıyl 60-tan astam eldi meken turǵyndary kógildir otynǵa qol jetkizetini týraly jazǵan edik.